Shongkun ka lympung ba nyngkong ki Khun Samla Seng Khihlang ha Mawbsein
Ka lympung ba nyngkong ki khun samla Seng Khasi Seiñraij (Sengkhihlang) kaba la long haka 04/04/2021 ha Seng Khasi Mawbseiñ Ribhoi Pyllun kala kut hadpeng ka jingshongkun shongblei bad da ki spah spah ngut kila wan ban iakshimbynta.
Ka matpdeng kane ka lympung kalong “Suhsieng Ka LongKhasi Ha Tyrpeng Ki Khun Samla Ka Ri”
Ïaka lympung la sdang da ka nguh ka dem na u Rgh Shembok Nongpluh President ka Sengkhasi Ribhoi Pyllun pynbud ka jingpynher ïaka lama ka seng da ka longkmie J. Kharshohnoh.
Ki riew rangbah bad samla kiba la ai ki jingsneng jingkraw ki long u President ka Sengkhihlang Sengkmie Rgh HR Kurbah, samla Leki Sayoo ba long u Sport Secretary ka Seiñ Kyntu Seiñ Raij 12 Daloi, samla Polestar Rani Assistant General Secretary Seng Samla Sengkhihlang, ka Kong Solony Bareh Executive Members Sengkhihlang, u Rgh Approlang Dohling ba long uwei na ki rangbah ba trei shitom na ka bynta ban kyntiew ïaki kam seng ha ki thaiñ Ribhoi Pyllun.
La pynshongshit bad pynphuh pynphieng ïaka Lympung lyngba ki jingshad tynrai lariti na ki tnad Seng Khasi bad Seiñ Raij bapher bapher napoh ki Ri ki 30 Syiem bad 12 Daloi.
Ïaka lympung la pynïaid da i Samla Repleaseme Phalangki President ka Seng Samla Sengkhihlang haka jingsakhilang ki President, ki Secretary bad ki langdoh Niam jong ki tnad Seng Khasi bad Seiñ Raij bapher bapher kumjuh u BDO ka Block Umsning bad Bhoi Rymbong Sub-Division u Raju Brahma.
Ka Seng Samla Sengkhihlang ka ai khublei ia U MLA ka thain u Bah George Lyngdoh, u MDC Rangkynsai Kharbuki, Sports Club ka Dieng Symmud bad ia baroh ka Dorbar Shnong Pyllun bad ia ka Sport Club ka Shnong Mawbsein,
La ai khublei ruh iaka District Administration lyngba I Deputy Commissioner ka Ribhoi I ba la ai iaka Permission ban pynlong ia kane ka lympung ki khun Samla Seng Khasi Seiñ Raij kaba jop.
Facebook
Instagram
Youtube
Twitter
Leave a Reply