Shim jaka ka sorkar ha Amlarem ban shna Sub Fire Service Station, ujor hapoh 60 sngi

Syllad | The Rising MeghalayaNovember 29, 2022

Ka Sorkar Meghalaya ka pynbna ba ka jaka kaba don ka jingheh kumba 3952.38 Sq metres ei ei yn donkam ha Shnong Amlarem na ka bynta ka jing donkam u paidbah, kata, ban buh iaka Sub-Fire Service Station.

Pud sawdong:

Shatei : P.W.D. Surok Muktapur.

Mihngi : Jaka jong Ka Queen Talang & U Het Surong.

Shathei : Jaka U Hoimon Rynjah

Sepngi : Jaka Ka Nilbi Talang

La pynbna kat kum ki kyndon ka Section 11(1) jong ka Right to Fair Compensation and Transparency in Land Acquisition, Rehabilitation and Resettlement Act, 2013 (Act No.30/2013) sha baroh kiba don jingiadei bad kane ka jaka.

Ia ka plan jong kane ka khyndew lah ban leit jurip haka ophis jong ka Sub-Divisional Collector Amlarem, West Jaintia Hills District ha ki sngi ba long trei.

Ka Sorkar ka la aibor ia ka Additional Deputy Commissioner, (Revenue) i/c Civil SubDivision, Amlarem bad ia ki nongtrei jong ka ophis jong i ban rung ne mih sha kane ka jaka bad ban thew ne woh sha kane ka jaka, ban tih ne ksam ia ka khyndew bad ban leh ia kano kano ka kam kaba donkam ha ka ban pyntrei ia ka, katkum ba la kdew bad ban leh ia kano kano ka kam kaba donkam ha ka ban pyntrei ia ka, katkum ba la kdew bad pynshai haka Section 12 jong ka tei ka Ain.

Kat kum ka section 11 (4) jong ka Ain, la khang pyrshah iano iano ban leh ia kano kano kam lane ban ia die ia theid ia kane ka jaka naduh bala pynmih ia kane ka jingpynbna (Notification) khlem da ioh jingbit na ka Additional Deputy Commissioner. (Revenue) i/c Amlarem Civil Sub-Division, Amlarem.

Ka Sorkar ka la aibor ban thung ia ka Additional Deputy Commissioner, (Revenue) i/c Civil Sub-Division kum ka Administrator naka bynta ban pynkynriah bad ai jaka shong (Rehabilitation and Resettlement) ia ki briew kiba shah ktah.

Lada don kano kano ka jingujor halor kane ka jingshimnoh ia kane ka jaka ki lah ban phah ia ka jingujor jong ki hapoh 60 (hynriew phew) sngi naduh ka tarik ba la pynmih ia kane ka jingpynbna (Notification) katkum ka section 15 jong katei ka ain haneng sha ka Additional Deputy Commisisoner, (Revenue), i/c Amlarem Civil Sub-Division.