Shi Lak tyngka synñiang u MLA Jowai sha ka Balang Katholik Niriang

Syllad | The Rising MeghalayaJanuary 31, 2021

U MLA Jowai ma Wailadmiki Shylla haka sngi Saitjain ula synñiang jingïarap shi Lak tyngka sha ka Balang Katholik Niriang na ka bynta ban tei iaka gallery ban pynlong jingiaseng bah bad iaka ophis bad mini conference room ka balang.

Ïa kane ka pisa u MLA ula aiti ha u President Seng Longkpa u ma Pormi Lamare bad u President Seng Samla u Shanmiki Khriam.

U Wailadmiki Shylla ula hiar sha ka shnong Niriang da lade ban aiti ia kane ka pisa sha ki nongialam Seng Longkpa bad Seng Samla ka Balang Katholik Niriang.

Ki nongïalam ka Balang Catholic Niriang ba kynthup ïa u President Seng Longkpa u Pormi Lamare, u President ka Seng Samla u Shanmiki Khriam, u Jimmy Raul Kharmuti bad u Secretary Seng Samla Balajied Khriam ki la pynpaw ïaka jingsngew nguh kaba khraw ïaka jingkylluid mynsiem jong u MLA ban kyrshan ïaka jingdonkam jong ka Balang.

U MLA ula leit jurip ruh ïaka RCLP School Niriang kaba la rim bha bad kaba donkam ban ban shna thymmai.