Shi jingim ha phatok iaki 3 ngut ba pyniap briew 7 snem ia uba lehbeijot

Syllad | The Rising MeghalayaNovember 27, 2021

Ka ïingbishar jong ka West Jaintia Hills District kala rai pynrem iaki saw ngut kiba donkti haka kam pyniap briew bad lehbeijot.

Ki lai ngut ki kynthup ia u Karlus Kanai, u Albad Phawa bad u Ritulmon Suchiang kiba ka iingbishar kala rem bad pynshitom da kaba set phatok shi jingim halor ka jingdonkti ban pyniap briew.

Katba u Chanky Shadap uba donkti ban lehbeijot ia kawei ka khynnah 14 snem haka 25 atrik Naitung 2010. Ka iingbishar kala rai pynrem bad pynsaja ia u Chanky da kaba set phatok 7 snem ryngkat bad ka kuna T.10,000/-

U Karlus Kanai  u donkti ban pyniap ia u Marli Rabon haka shnong Mowtyrshiah Wah kaba la jia ha ka 21 tarik Naitung 2002, katba u Albad Phawa u donkti ban pyniap ia u Linki Pale na Elaka Nongjngi ha Thadbamon Sookhlieh 15 tarik Kyllalyngkot 2006. Ka iingbishar kala dain kuna ia u Albad T.10,000/-

U Ritulmon Suchiang uba na Mukhap u donkti ban pyniap iaka lok Sankini Lapasam kaba na Mookaiaw Pdeng Skur kaba la jia haka 11 tarik Iaiong 2013. Ka iingbishar kala dain kuna T.30,000/- nalor ka jingpynsaja da kaba set phatok shi jingim.