Sheptieng ki paidbah ban shim dawai bad ai injek ha Namdong PHC ong ka KSU

Syllad | The Rising MeghalayaJune 25, 2020

Hadien ka jingud jingnam jong ki nongshong shnong ka shnong Namdong sha ka Khasi Students’ Union (KSU)- Jaintia Hillls halor ka jingdkhoh ka rukom ai jingshakri ka Namdong PHC, kaba dei kawei na ki jaka sumar kaba ai jingshakri ïaki paidbah ba shong bas ah ha ki shnong khappud Assam Meghalaya, kala hiar sha katei ka jaka sumar ban ïasyllok bad iamir jingmut bad ki doctor ba dei khmih ia kane ka jaka sumar sorkar.

Ka Namdong PHC ka la dei kaba mang ban kyntiew kyrdan sha ka CHC la bun bun snem , hynrei haduh mynta ym shym la plie paidbah wat ki jingtei na ka bynta ka aspatal la bun ba dep bad ki jaka sah ki doctor ki nurse ruh ki biang. Kane ka jaka sumar ka biang naduh shadong ban kyntiew kyrdan iaka, hynrei ka sorkar kala leh klet ia kane ka hospital bad ban pynbiang iaki jingdonkam jong ka.

Ka KSU-JHDU bad ka KSU Namdong kala hiar sha kane ka aspatal haka 24 tarik une u bnai hapoh ka jingialam U President ka KSU Namdong Unit u Chanbor War bad ruh haka jingiasynran lang u President ka KSU Jantia Hills District Unit Ohibait Dkhar ba kiwei kiwei.

Ki nongialm ka KSU kila ioh ka lad ban kynduh ia U Doctor in-charge, U Dr Duchiang bad i CHO Kong Inspire Pohktai ban iakren halor ka jingeh ki paidbah kaba ki iakynduh na kane ka PHC.

U Chanbor War president KSU Namdong, ula iathuh ba ba kine ki arngut ki khlieh jong ka PHC kila iathuh b aka donkam ban pynbiang iaki jingdonkam ka aspatal naduh ki nongtrei haduh ki tiar ki tar ban lah ban ai ka jingshakri kaba pura sha u paidbah.

Ka KSU kala  pynpaw ruh ba ki paidbah jong ka thaiñ hi ki lah angnud ban iohi noh ia kane ka kum ka Community Health Centre (CHC) namar ba katkum ka jingbun briew kane ka jaka sumar kala biang ki kyndon ban kan ioh iaka kyrdan CHC, kaba wat ki doctor ruh kila kubur ba kala dei eh ka por ban kyntiew kyrdan ia kane ka jaka sumar.

“Haba phai pat sha ka jingduna jong ka Human Resource lane ka jingduna ki staff ban iarap hakane ka PHC, Ka Seng ka dap daka jing sngewlynngoh ban tip ba tang uwei u Doctor ban kitkhlieh iaki jingdonkam baroh khamtam haba bun u paidbah ba wan shim dawai, bad kane ka lah ban pynlong kawei na ki daw ka jingdkoh treikam jong katei ka PHC. Ban shakri marwei kam dei shisha kaba suk bad ngi la rai ban ujor sha ka sorkar bad ka tnad ka koit ka khiah ban thung doctor ha kane ka jaka sumar bad ban pynbiang iaki nongtrei,” ong u kyrwoh ba la phah u Chanbor.

Shuh shuh ula ong ba kali kit nongpang ne Ambulance, la lap ba kane ka jaka sumar ka don, hynrei kam lah ban ai jingshakri ne kit nongpang bad kane kan buh jingeh iaki paidbah haba ki don ki Emergency Case khamtam ha ka por miet kapor miet bad synia. 

“Ka Ambulance ha kane ka jaka sumar ka don, hynrei kam don pat iaki tiar haka kali kum ki Oxygen ki tiar kiban iarap iaki nongpang haka jingiaid lynti haba shitom jur,” ong ka KSU

Ka KSU kala kynnoh ba Pharmacy kane ka hospital ruh ka don tang uwei u nongtrei bad ki paidbah ki iakynduh jingeh ban shim dawai na kane ka PHC.

Shuh shuh ka KSU hadien ka jingiakren bad u Doctor kala pynpaw ka sngewlyngngoh ba bun ki paid nongshong shnong ka thaiñ ki don ka jingtieng wat ban wan Injek lane ban shim dawai ruh na kane ka jaka sumar bad ki paidbah ki duh bun ki jingmyntoi na ki lad jingiarap ba ai ka sorkar. Ka KSU ka kyntu iaki paidbah ban wan shakhmat ban shah sumar bad shim dawai na kane ka aspatal khamtam ki longkmie kba pun ba kha ban myntoi ki khun ki kti jong ki bad ban ioh iaka met ka phad ka koit kaba khiah.

Ka KSU kala rai ban buddien iaka jingeh ka Namdong PHC bad kan leit pynsngew ia kane sha ki bor ka tnad ka koit ka khiah ban pynbiang ia baroh ki jingdonkam ka jaka sumar.