Shah skud jaka ki paid nongrep Khasi Pnar ha Cachar District, hiar jurip ka KSU & BVKJWO

Syllad | The Rising MeghalayaApril 4, 2019

JOWAI: Ka khubor kaba iohlum khamdier na Cachar District, Assam la kynnoh ba ki jaka rep jong ki paid Khasi-Pnar ba shong ba sah ha Assam ha Kalakhal pt-1, Kalakhal pt-11 bad Bubonkhal kila shah kyntur ha kiwei paid ki jaidbynriew ki bym dei ki riewlum kiba thmu ban knieh ïa kitei ki jaka rep ba seisoh.

Ka Khasi Students’ Union (KSU) bad ka Barak Valley Khasi Jaiñtia Welfare Organisation (BVKJWO) haka 28 tarik u bnai Lber ha ryngkat u DFO Cachar District, Assam kila leit jurip ïa kitei ki jaka kaba jur bha ka jingkyntur pud da ki briew bym dei na ka jaid bynriew riewlum kiba kwah ban rep jubor ha kitei ki jaka bala rep da ki paid Khasi-Pnar la bun bun snem.

Da ka jingshimkhia jong ka KSU bad BVKJWO ka tnad kam khlaw ka Assam kala shimkhia ban pynlong ka jingtohkit ba sorjamin  bad kala maham ba kan pynshitom ïa kiba donkti ban kyntur pud sha ki jaka rep jong ki paid Khasi-Pnar.