Shah rai set phatok shi jingim nongpyniap briew ha West Jaintia Hills

Syllad | The Rising MeghalayaMay 17, 2024

Ka iingkashari u NA Khan, MHJS, Sessions Judge, West Jaintia Hills District, ka la rai pynrem pyrshah ia u Ram Dhar da kaba set phatok shi jingim namar ka jingdonkti ha ka kam pyniap briew kaba la jia naduh kine ki khyndai snem kiba la dep.

Na ka liang u Superintendent of Police ka WJH u pyntip ba kane ka jingjia ka dei kaba la jia naduh ka 11 tarik u bnai Rymphang 2015, ha kaba u Ram Dhar la kynnoh ba u la pyniap uwei u briew uba kyrteng u Trebor Hinge ha ka shnong Nongbah, West Jaintia Hills.

Hadien kane ka jingjia la rejistar ia ka case hapoh ka  Jowai PS Case No. 22 (2)15 U/S 302 IPC, ha kaba la pynlong ruh ia ka jingtohkit kaba bniah da u SI u S Pariat.

Hadien ka jingshim bishar la pynngat ia u Ram Dhar halor kane ka kam pyniap hapoh ki kyndon Section 302 IPC, bad la rai pynrem pyrshah ia u da kaba set phatok shi jingim nalor ka kuna kaba long T.5000/-.

Nalor kata ka iingkashari ka la phah siew ruh ia ka bai lutksan kaba long T.3 lak sha kiba haiing hasem jong une u lanot.