Shah pynjulor ki kali motor ha uwei u rangbah ba khie bhur ha Phramer

Syllad | The Rising MeghalayaNovember 11, 2021

Uwei u rangbah bym lah satia ban ioh kyrteng uba suba ba khie bhur ula lun maw bad pom dusmon da ka wait iaki kali motor jong ki paidbah ha Phramer, West Jaintia Hills District haka sngi Palei.

Kane jingjia khie bhur une u rangbah kala jia haka 1:30 nohphsngi.

Ka khubor kaba iohlum ka iathuh ba une briew kyndit kynsan ula mih sha surok bah NH 06 ha lad ban leit sha ka shnong Shangpung ha kaba ula rah ryngkat bad ka wait bad ki maw ban lun man iaki kali kat shaba lap ba shem.

Kane ka jingjia kala pynher syrngiew iaki paidbah bad haba ki katto katne kila pyrshang ban bat ia u, ka jingkhie bhur une u briew ruh kala nangjur.

Kane ka jingjia kala neh katto katne por bad hadien bala ioh bat ia une u briew la aiti ia u mar mar sha ki pulit jong ka Phramer Traffic Cell.