Shah pyniap dusmon ka theilud ha khappud India Bangladesh

Syllad | The Rising MeghalayaFebruary 27, 2021

Kawei ka theilud kala shah pyniap dusmon ha ki runar bym lah satia ban ithuh ha kawei ka shnong ha khappud India Bangladesh kaba hap ha Dawki Police Station, West Jaintia Hills District.

Ka thymmei khubor ka iathuh ba kane ka theilud kala jah na iing 3 sngi bad dei haka sngi Thohdieng haka por nohphaisngi la lap iaka metiap jong ka. La iathuh ba katkum ki dak ki shin kane ka theilud la suba jur ba kala shah lehbeijot bad hadien pat la pyniap dusmon Iaka.

Ki pulit kila shimti iaka metiap bad kila pynlong iaka jingtohkit ban lap ksai ruh iaki runar ba suba donkti halor kane ka jingshah pyniap ka theilud.