Shah maham pyniap bad shah thombor ki pulit ha u paidbhur bym ailad ban iaid ki trok kit dewiong tuh

Syllad | The Rising MeghalayaMay 3, 2019

JOWAI: Ki Pulit kila ujor FIR dalade (Suo-Moto) hi bad la register case ha Khliehriat Police Station ba kila shah thombor bad shah maham pyniap ha u paidbah bhur.

Ka khubor pulit ka ong ba kane ka jingjia ka jia haka miet 1 tarik u Jymmang haka por kumba 9:30 PM. La iathuh ba ka kynhun jong ki katto katne ngut ki briew kiba rah ryngkat ki dieng kila wan haka khyrdop NGT (NGT Check Point) ha Tuber Shohshrieh, East Jaiñtia Hills District bad byrngem byrsit ïaki pulit kiba dang pyndep iaka kamram. Une u paidbhur ula maham ba lada ki pulit kim ailad ban iaid ki trok kit dewiong na katei ka khyrdop ban kit ia u dewiong sha Guwahati kin pyniap iaki.

Ka khubor pulit ka ong  ba hadien ba ki pulit kiba don ha katei ka khyrdop ki khang pyrshah ban shalan dewiong beaiñ kila shah thombor kylla ha u paidbhur. Une u paidbhur ula shim kabu iaka jingbun paid jong ki bad ka jingjur u slap ha katei ka miet, katto katne ki trok kiba suba kit ia u dewiong beaiñ kila lait na katei ka khyrdop.