Shah lute u rangbah T.1 lak tam ha ki runar ba kam lehnoh

Syllad | The Rising MeghalayaNovember 14, 2019

JOWAI: Uwei u briew ba na ka shnong Madankynsaw Mowkyndeng, West Jaiñtia Hills ula ujor ïaka ejahar jong u Nartiang Police Station ba ula shah lute haduh T.1,30,700 ha ki runar kiba kam ïalade ba ki dei ki lehnoh Karbi.

Katkum ka jingujor ejahar u Constantine Langstang ba kane ka jingjia kala jia haka 13 tarik haka por 2 baje nohphaisngi haka shnong Saba, West Jaiñtia Hills District haka por ba u thmu ban leit thied masi sha ka shnong Umkhyrmi, hyrrei la wan mih ki briew kiba ym lah satia ban ithuh kiba tap ïalade iaka dur khmat jong ki da ka jaiñ kiba rah ryngkat bad ki suloi bad pistol bad kila kam ïalade ba ki dei ki lehnoh naka jaidbynriew Karbi.

Kine ki briew kila lute iaka pisa jong u baroh kumjuh ka mobile phone jong u kaba don u number 8837478993, ka jacket bad ki tiar ki tar ba don haka pla jong u.