Shah kem uwei u dkhot ka seng HPDA ba shah kynnoh dawa pisa
KHLIEHRIAT: U wei u briew uba kam ialade ba u dei u dkhot ka Hynñiewtrep People Defence Alliance (HPDA) ula ngat ei ha ruh nar ki pulit jong ka East Jaiñtia District namar ka jingshah kynnoh dawa pisa na ki dukan ha Khliehdupon, Ladrymbai.
Une u dkhot ka HPDA u dei uba la tip kyrteng kum Andrew Lamare.
La ïoh bat ia u da ki shipai shnong (Village Defence Party) jong ka Ladrymbai Khliehdupon hadien ba kila ioh ka jingujor ba une u Andrew bad ki paralok jong u ki leit ban dawa pisa na ki katto katne ki dukan ha Khliehdupon haka 3 tarik une u bnai.
Mar mar ki shipai shnong kila shimkhia ban wad ia u bad ïoh bat ia u bad aiti syndon sha ki pulit. Halor kane ka jingshah kynnoh dawa pisa u dkhot ka HPDA ka jingtohkit ki Pulit kala iaid shakhmat.
Nakaliang ka Hynniewtrep Defence Alliance (HPDA) kala kyntait iaka jingkam dkhot une u Andrew bad kala ong ba ym don dkhot uba kum kane ka kyrteng hapoh ka HPDA bad kane ka dei tang ka jingpynthohbria iaka HPDA.
Facebook
Instagram
Youtube
Twitter
Leave a Reply