Shah kem 3 ngut bad u drok 32.5 gram, kynjoh 107.5 gram u Heroin bad 71 kilo u kynja la ioh kurup ki pulit East Jaintia Hills

Syllad | The Rising MeghalayaMarch 15, 2023

Lai ngut ki briew kila shah kem noh ha ki Pulit ka East Jaintia Hills hadien bala ioh kurup ia u drok Heroin uba khia 32.5 grams naka kali maruti car kaba don u number ML05 D 3783 haka step sngi Balang na Ladrymbai.

Ki Pulit marsien ioh iaka jingtip ba thikna ba u Rudolf Franklin Lyngdoh (28 snem) na Umsning, Ri-Bhoi District, Shemphang Lakhiat (29 snem) na Mawlari Mawkhan, Ri-Bhoi District bad Aibankyrshan Kharlyngdoh (24 snem) na Umsning, Ri-Bhoi District ki wan na Silchar bad thmu leit sha Umsning da katei ka kali bad kit iaki mar beain.

Mar mar ki pulit kila buh iaka jaka khynra kali (naka) ha Ladrymbai bad haka por 3:00 Am, ki pulit kila bat ia kane ka kali.

Hadien bala pyndep iaki jingdonkam jong ka aiñ haka jingdonlang u nongsakhi ba laitluid, la khynra iaka kali bad la lap 3 synduk ki synduk sabon ba don ia u powder ba suba ba dei u drok kiba la song bha. Haba ki pulit kila test la pynthikna ba dei u drok heroin bad u khiah 32.5 gms.

Ha kane ka jingjia ki pulit kila kurup 3 tylli ki mobile phone, ka kali Maruti Car ka pisa T.54, 150/-. La register iaka case katkum ki kyndon jong ka NDPS Act ha Khliehriat PS bad ka jingtohkit kala iaid shakhmat.

Da ka jingiohkem ki pulit ia kine ki lai ngut bad une u drok, tang ha kine ki 9 sngi naduh 6 tarik une u bnai ki pulit ka East Jaintia Hills kila kurup drok haduh 107.5 gram drok Heroin bad kem 6 ngut ki briew. Katba u kynja uba khia haduh 71.476 kilo bad kem ia ki ar ngut ki khar Bihar.