Shah ai yellow card ki MLA na West Jaiñtia Hills ha elekshon MP

Syllad | The Rising MeghalayaMay 23, 2019

JOWAI: Ka resol jong ka elekshon sha ka Lok Sabha na ka 1- Shillong Parliamentary Constituency ha Ri Lum Jaintia ka pynpaw ba ki paidbah ki la ai yellow card ia ki MLA jong ki san tylli ki assembly constituency ha West Jaintia Hills District katba ki MLA na ki artylli ki constituency na East Jaintia Hills District ki la pynpaw shisha ia la ka jinglong MLA.

Kane ka long namar ba u Kyrtong jong ka Seng Indian National Congress u Bah Vincent H Pala u la pynrem ia u kyrtong jong ka Sorkar Meghalaya Democratic Alliance (MDA) na ka Seng United Democratic Alliance u Dr. Jemino Mawthoh ha baroh san tylli ki constituency ha West Jaintia Hills District.

Ha Nartiang konstituensi kaba la mih khmat da u Minister jong ka tnat Transport U Bah Sniawbha Dhar, u Pala u la ioh haduh 14773 votes katba u Dr. Mawthoh u la ioh 8584 votes bad u kyrtong jong ka BJP u Sanbor Shulla u la ioh khur tang 311 vote, u kyrtong shimet u Bah Romeo Phira u la ioh tang 149, sa u wei u kyrtong shimet u Bah Samuel Hashah u la ioh 45 votes bad u kyrtong shimet u Bah T H S Bonney u la ioh 45 vote katba 49 ngut ki la jied ia ka NOTA.

Katba ha ka Jowai Constituency kaba la mih khmat da u kynum jong u Bah Sniawbha kata u Bah Wailadmiki Shylla, u Bah Pala u la ioh 12154 vote bad u Dr. Mawthoh pat u la ioh tang 8236, u Bah Shullai u la ioh 1056 vote, 93 vote ka la leit sha u Bah Romeo, 56 vote la ioh da u Bah Samuel, u Bah Bonney u la shah pynrem da ka NOTA namar u l ioh 63 vote katba ka NOTA pat ka la ioh 92 vote.

Ha Raliang Konstituensi bala mih khmat da u Minister jong ka tnat PWD (Building) u Bah Comingone Ymbon, u Bah Pala u la ioh 11173 vote, u Dr. Mawthoh u la ioh 7612 vote, u Bah Shullai u la ioh 808, u Bah Romeo u la ioh 227 vote, u Bah Samuel u la 90 vote, u Bah Bonney pat u la ioh 79 vote katba ka NOTA ka la ioh 52 vote.

U Dr. Mawthoh u la rem kput ha ka konstiuensi kaba la mih da u Bah Nujorki Sungoh u MLA ka UDP kata ka Mowkaiaw konstituensi namar u la rem da 8489 vote haba u Bah Pala u la ioh 13960 vote bad u Dr. Mawthoh u la ioh 5471 vote, u Bah Shullai u la ioh 328 vote, u Bah Romeo (91 vote), Bah Samuel (53 vote), u Bah Bonney ruh 53 vote bad 29 vote sha NOTA.

Ha Amlarem Konstituensi kaba mih khmat da MLA ka UDP bad u Minister ka tnat Education u Bah Lakmen Rymbui, u Bah Pala u la ioh haduh 12393 vote bad pyndem tdong ia u Dr. Mawthoh uba la ioh 8860 vote, u Bah Shullai u la hap ban hun tang 1141 vote, U Bah Romeo pat 104 vote, 108 vote ka la leit sha Bah Samuel, u Bah Bonney u la ioh 111 bad 75 vote sha NOTA.

U MLA ka UDP bad u Minister ka tnat Social Welfare u Bah Kyrmen Shylla u la pynpaw ia ka jingtbit jong u kum u MLA namar u Dr. Mawthoh u la ioh haduh 15870 vote katba u Bah Pala pat u la ioh 11809 vote, u Bah Shullai pat u la ioh 1067 vote, u Bah Romeo (176 vote), u Bah Samuel pat ula ioh 208 vote bad u Bah Bonney u la ioh 122 vote bad 113 vote ka la leit sha ka NOTA.

Ha Sutnga Saipung konstituensi bala mih khmat da u MLA jong ka Congress u Bah Shitlang Pale, u Bah Pala u la ioh ka vote kaba haduh 15323 vote, u Dr. Mawthoh pat u la ioh 13184 vote, u Bah Shullai u la ioh 605 vote, u Bah Romeo u la ioh 175 vote katba u Bah Samuel u la ioh 142, u Bah Bonney tang 84 vote bad ka NOTA ka la ioh 102 vote.

Ka jingsynran ia u Dr. Mawthoh ha ki jingialang ialap elekshon ha Ri Lum Jaintia bapher bapher da ki MLA kiba kynthup ia ki Minister, ki MDC na ka UDP bad NPP kiba kynthup ia u Chief Executive Member bad u Chairman jong ka JHADC kam shym la wanrah ia u soh jong ka jingjop namar ki paidbah kim shym la sngap pura ia la ki MLA ki MDC hynrei ki la ai ia la ka rai kaba laitluid bad kaba dei katkum ka jingsngewthuh jong ki.