Seisoh ka jingpuid ia u tumour ba khia 2.8 kilo ha Tura Civil Hospital

Syllad | The Rising MeghalayaJune 7, 2024

U Superintendent, Tura  Civil Hospital, West Garo Hills District u pyntip ba ha ka 24 tarik u Jymmang ba la dep, u Dr. Lee Rozer Ch Marak, MS, MCh (Paediatric Surgery) bad u Dr. Stevie Jaseng N Sangma, MD, Anaesthesiology Tura Civil Hospital ki la lah ban weng noh ia u tumour uba heh ba la tip kum u salivary gland neck tumour uba khia haduh  2.8 kilo (Giant Right Pleomorphic Adenoma) da kaba puid noh ia u.

Ha kane ka jingpuid ia une u tumour la iarap lang da Dr. Crejithson R Marak, Dr. Binsena R Marak, Sister Drimchira M Marak ryngkat ka jingkyrshan lang da ki staff ka OT.

Une u nongpang uba dei uba dang don ha ka rta 20 snem napoh Tikrikilla u la kit ia une u tumour uba khia uba at sha ka liang ka mon u ryndang jong u ha kaba u la hap ban mad ia kane ka jingshitom mynta lah saw snem kynthih.

Ia une u nongpang la pyllait noh ha ka 4 tarik mynta u bnai hadien ba u la ioh ia ka jingkoit kaba pura.