Sdang ka jingpynthaba light Khristmas ha ka shnong Moolamylliang

Syllad | The Rising MeghalayaDecember 19, 2023

Mynta u snem ia ki jingpynthaba iaki light Khristmas hapoh ka shnong Moolamylliang, East Jaintia Hills la wan ban plie da u Dr WR Kharlukhi MP Rajya Sabha haka 18 tarik Nohprah  ha ka jingiadon lang ka Kong Santa Mary Shylla, MLA ka Sutnga-Saipung, u Director of Information and Public Relations ka sorkar Meghalaya, u Malthus Sangma lem bad kiwei pat ki heh sorkar, ki riew rangbah, ki nongialam shnong bad kiwei kiwei.

Ia kane ka jingpynthaba ding Khristmas ha baroh kawei ka shnong la sdang naduh ak sngi Nyngkong kaba yn bteng ban pynthaba man la ka janmiet naduh ka por 5 baje haduh 12 baje shiteng synia haduh ka 3 tarik u bnai Kyllalyngkot 2024.

Kane ka jingpynthaba ha baroh kawei ka shnong ha ryngkat ka jingkhuid jong ka shnong ka thaw la khmih lynti ba kan khring ia shibun ki nongwan shangkai pyrthei na kylleng kumba la sakhi ha ki snem ba la dep.

Na ka liang ki nongpyniaid shnong ka Moolamylliang ki khot ki wer sngewbha ia baroh ba wan ban sakhi ia kane ka jingitynnad jong ka shnong ka thaw lyngba kine ki jingpynthaba bad kiwei pat ki jingitynnad ha ka mei mariang.