Sdang ka jingpynkhreh Kopati Puja ka Raid Raliang

Syllad | The Rising MeghalayaNovember 23, 2019

JOWAI: Hadien 3 snem ka jing sangeh ban pynlong iaka lehniam Kopati Puja, mynta ka kynti la ioh ban sdang biang ia ka lehniam Kopati Puja jong ka Elaka Raliang. Kane ka jing lehniam  kala sdang mynta ka sngi 23 tarik u November  2019 da kaba pynlong ia ka “Sap Khoo Spah” bud sa ka knia ka khriam hapoh iung Langdoh. Ia kane ka sngi la khot kum ka Sngi “Sap Khoo Spah”.

Ka ei kata ka “Sap Khoo Spah”? ka “Sap Khoo Spah” ka long ka jing lehniam shwa ban sdang ia ka Kopati Puja, ha kaba uwei na ki Nongrep ha ki lyngkha ba ki khot ki ‘Bri Khih’ (kiba don kumba 73 tylli ki lyngkha) un hap ban rah ia u khaw uba la dung kum u shira sha iung Langdoh khnang ba kin ioh ban thep ha ki kriah kiba la thain bha bad ban ia sam haka por miet jong ka sngi iaw Musiang kaba dei ka sngi khraw jong ka jing lehniam Kopati Puja. Ia u Dolloi la ai 5 tylli ki kriah bala dep pyndap, ia u Lyngdoh 3 tylli, ia u Pator 3 tylli bad ia kaba tam yn sa ia sam bad kiwei pat ki ba iadon bynta ha ka lehniam leh rukom kynthup ia kito ki Nongrep kiba rep ha ki “Bri Khih”.

U Dolloi jong ka Elaka Raliang u Ma Chawas Lyngdoh ula khot ula wer ïa baroh ban wan sha ka jinglehniam Kopati Puja (Noh Blai).

Ka sngi ba khraw jong kane ka lehniam kadei haka 26 tarik ha kaba ka niam ka rukom kan sdang naduh ka por 6 baje mynstep..

Haka 26 tarik kan don ka lehniam pom blang ha ka por 7 baje mynstep,bud sa ka ka stad pastieh hapoh Khloo Blai, kan don ka Cultural item ki khun niamtre-niam tynrai jong ka Elaka Raliang bad kiwei kiwei ki jinglehniam ban ai nguh ïa u nongbuh nongthaw ban kyrpad ban ai haki khun ka raid Raliang ba kin ioh ka koit ka khiah bad ka ka roi ka par kyrhai.

Ia kane ka lehniam yn pynkut haka 27 tarik haka por 2 baje mynstep da ka jinglehniam Pynshad Dolloi bad Pynnguh Dolloi.