Sdang ka jingïakhih dawa ILP ka CoMSO ha Jylla, rah lama ïong ha kylleng

Syllad | The Rising MeghalayaApril 23, 2019

SHILLONG: Ka Confederation of Meghalaya Social Organisations (CoMSO) kala sdang ïa ka prokram ïakhih da kaba rah lama ïong ha baroh kawei ka jylla ban pynbor ïaka Sorkar Jylla ban pyntreikam noh ia ka ILP hapoh ka Jylla.

Ka CoMSO kala sdang ia kane ka jingiakhih haka sngi Ba Ar da kaba rah lama iong ban pynpaw ka jingsngewkhia halor ka jingleh bymsuidniew jong ka Sorkar Jylla ban pynlong aiñ ILP na ka bynta ban ïada ïa ka jingrung kyrthep ki mynder ri hapoh ka Jylla.

Ki dkhot jong ka CoMSO ha kylleng ki shnong naduh na Rilum Garo, Khasi, Jaintia bad Ri Bhoi kila teh iaki lama iong ryngkat bad ki jingthoh sha ki kynroh bad teh iaki jingthoh kiba la dep thoh ha ki jain iong haki jaka paidbah bad haki kali ban dawa ILP bad pynrem ia ka Sorkar Jylla halor jingsuki jong ka ban pynlong aiñ iaka ILP.