Sdang ka ialehkai Futsal League ka Kiang Nangbah Govt. College

Syllad | The Rising MeghalayaApril 28, 2022

Ka Kiang Nangbah Govt. College, Jowai ka la pynlong ia ka 1st Kiang Nangbah Govt. College, Jowai Futsal League- 2022 mynta ka sngi ha madan Kiang Nangbah Govt. College, Jowai.

Ha kane ka jingialehkai la iashim bynta da ki Nonghikai bad ki nongtrei ki ba trei ha kane ka kolej bad la phiah haki 4 kynhun bad iaka kyrteng ki kynhun la shim na ki kyrteng jong ki um bad wahbah badon ha Jaiñtia Hills, kiba kynthup iaka Myntdu, Kupli, Parok bad Umngot.

Kane ka jingialehkai kaba la sdang mynta kan kut ha u bnai Jymmang 2 tarik.

Shuwa ban sdang kane ka jingialehkai Futsal kala don ka jingialang ba lyngkot ba la pyniaid da u Ma Anvil R Laloo, la ai jingkren plie na u Ma Golden Chain Dkhar, Asst. Professor, Mathematics, ki kyntien ai khublei da u Ma Rimikilada Nanghuloo, Asst. Professor, Physics bad hapdeng ka ka jingdonlang u kongsan u bah Markima Passah, Asst. Professor History Dept. ka kolej.

Haba phai sha ka jingialehkai hapdeng Umngot pyrshah ia ka Parok da 3-0, ka umngot ka la ioh ban pynkhih iaka jar lyngba ka kol kaba la thep Emergency Nongrum 2, u Dabiangkirang Khonlah 1.

Ha kawei pat ka jingialehkai hapdeng ka Kupli pyrshah iaka Myntdu, ha kane ka jing ialehkai ka Myntdu kala jop 1-0. U Iakitboklang Sten u rang ialehkai sha khmat jong ka Myntdu u la ioh ban pynkhih ia ka jar kaba biang pura iaka Myntdu ban khur iaka namjop.