Sangeh ïakhih ka AMSSASTA

Syllad | The Rising MeghalayaMarch 18, 2019

SHILLONG: Ka All Meghalaya SSA School Teachers Association (AMSSASTA) kala rai ban sangeh shuwa ïaka prokram ïakhih khlem buh por hadien ba u Myntri ka tnad Pule Puthi ma Lahkmen Rymbui hapoh ka ïing dorbar dangshen ula ong ba shen pyllait noh ïaka tulop jong ki.

Ka AMSSASTA haka 8 tarik une u bnai haka jingïalang kaba long ha Khasi National Dorbar Hall kala ai por 5 sngi ïaka sorkar jylla ban pynioh ïaka jingdawa jong ki bad lada kam ïoh iaka jingdawa kan pynlong ïaka jingiakhih khlem buh por ha baroh kawei ka jylla.

Hynrei dei hadien ba u Myntri ka tnad Pule Puthi ka jylla ula ong ba yn pyllait noh ïaka tulop SSA hapoh ka ïing dorbar mang tyngka ka jylla haka 14 tarik une u bnai, ka AMSSASTA kala weng ïaka rai pynlong jingiakhih, la iathuh u D. S. Lamare general secretary AMSSASTA haka Sngi U Blei.

Ka AMSSASTA ka kyrpad ïaka sorkar jylla ban shimkhia ban peit ïa baroh ki jingeh ki nonghikai SSA bad ban pynthikna ba kin ïoh ka tulop manla u bnai.