Rung quaterfinal ka North Liberty Govt Boys’ St Dominic bad kiwei haka U15 Subroto Mukherjee Cup ha Jowai

Syllad | The Rising MeghalayaJune 17, 2024

Ka North Liberty Higher Secondary School, Government Boys’ HSS, Dominic English UPS, St Dominic HSS bad ka Modern SS kila lah ha kaban buh jaka ialade haka quarterfinal jong ka Under-15 Boys’ haka Subroto Mukherjee Cup ha Jowai hadien ba kila khur namjop haka jingiakhun kaba long haka 17 tarik Jylliew ha Kiang Nangbah Stadium.

Ia kane ka lympung la pyniaid da ka ophis u District Sports Officer, West Jaintia Hills District.

Ka namjop ka North Liberty HSS kala wan pyrshah iaka Laishnong HSS Nongbareh da 6-0, Ka Government Boys’ HSS Jowai kala jop da ka tie breaker da 4-2 pyrshah iaka Lumpyrtuh SS.

Ka Dominic English UP kala jop da 5-1 iaka Jowai Public School, ka St. Dominic HSS kala jop da ka tie breaker da 3-1 iaka Rising Hills SS bad ka Modern SS kala jop da 2-0 iaka Police Public School.

Lashai 18 tarik Jylliew ka jingiakhun kan long hapeng ki kynthei haka kyrdan Under-17 bad kawei ka jingiakhun Under-15 Boys’ hadpeng ka Marian Hill HSS pyrshah iaka Mihmyntdu RC Eve SS.