Rung quarterfinal ka New Shillong haka football ka Wahiajer

Syllad | The Rising MeghalayaNovember 25, 2024

Ka New Shillong kala jam noh sha ka quarterfinal hadiein ba kala pynliem da 4-3 iaka Thadmusem haka jingialehkai 8th Invitation Knock Out Football Tournament kaba pyniaid da ka Wahiajer Sports Club kaba long ha Wahiajer Sports Complex haka 25 tarik Naiwieng.

Iaki kol jong ka New Shillong la thep da u Bapynkmen Kharsati (19), Basuklang Bina (21) bad (27), Elmiroy Kharumnuid (80+1), katba ka kol na kaliang ka Thadmusem la thep da u Samuel Shadap (34) bad (49) bad u Samson Nongrum (80+4).

Iaka nam Man of the Match la khur da u Basuklang Bina rangialehkai ka New Shillong.

Ka jingiakhun quarterfinal kaba nyngkong kan long haka 29/11/24 hapdeng ka Nangbah Mulang pyrshah iaka Friends United.