Register!!! iaki kali Tourist Taxi jong phi, phin ioh ka song jingiarap

Syllad | The Rising MeghalayaNovember 26, 2020

U Commissioner and Secretary, Tourism Department, Government of Meghalaya ula pynmih ka jingpynbna paidbah ban khot pynrung kyrteng ne rejister iaki Tourist Taxi hapoh ka tnad tourism ban pynsuk iaki tourist haka leit ka wan.

Haka jingpynbna kaba la pynmih haka 17 tarik u Naiwieng 2020, u Commissioner and Secretary ka tnad Tourism, ula ong ba ka tnad tourism jong ka sorkar Meghalaya ka la trei shitom naka bynta ban thaw ia kawei ka rynsan kaba paka kaban lah ban plie lad ia ki nongwan jngoh kai pyrthei (tourist) ba kin lah ban bat lypa ia ki iing basa, ki kali, bad ki song ban ioh leit jngoh kai sha ki jaka kiba itynnad.

Dei halor kane ka bynta, ba na ka liang ka tnad ka kwah ba kan pyntikna bad ruh ban wai ia ki kali ia ki kali na kane ka jylla da kaba pynrung ha ka State’s Tourism Portal/App.

Haba iadei bad kane, ki trai kali kiba biang lut ki kot ki sla kum ka permit ba la ioh lyngba ka tnat Transport Department, ka sorkar Meghalaya ki lah ban register bad ka tarik kaba khatduh kan long ha lane shwa ka 10 tarik u Nohprah (December) 2020.

Kan don ruh ka skim jingiarap ha kaba iadei bad ka khlam COVID-19.

Kino kino kiba kwah ki lah ban register lyngba: https://www.meghalayatourism.in/

Na ka bynta ka jingtip ba khambniah phone: 1800-345-3644 (naduh 8am – 8pm ha ka por longtrei)