Ranji Trophy: Haka sien kaba nyngkong eh hala iing yn iakhun ka Meghalaya pyrshah iaka Tripura

Syllad | The Rising MeghalayaOctober 17, 2024

Ka Meghalaya Cricket Association (MCA) ka la pynbiang nadong shadong ia ka jingwan ban iakhun ka jylla Tripura pyrshah ia ka Meghalaya, kaba dei artad ka jingialehkai ba nyngkong ha la iing jong ka lympung ialehkai Ranji Trophy 2024-25, kaban sdang naduh ka 18 tarik u Risaw.

Kane ka jingiakhun hapdeng kine ki artylli ki jylla kan sdang naduh ka por 8 baje mynstep, ha JN Stadium, Polo, ha kaba la pynkhreh ruh ia ki jaka ban ioh ban shongpeitkai ki paidbah.

Kane kan dei ka jingiakhun ba nyngkong jong ka kyrdan ka Elite Group ba ka nongbah Shillong kan lah ha kaban pynlong ia kane ka lympung ialehka kaba kren shai kdar sa ia uwei pat u mawmer ba ka Meghalaya Cricket Association ban lah ban ioh sei madan ia ka kynhun ban iakhun ha kane ka kyrda. Kane baroh ka la wan tang na ka daw ba ha ka samoi ialehkai  ba la dep ka kynhun ialehkai ka jylla, ka la lah ba kan da ialehkai bha ha ka kyrdan iakhun ka Plate Group, ha kaba ka Meghalaya ka la wan ban bat ia ka kyrdan kaba ar hadien ka Hyderabad.

Hynrei shwa jong kane ka jingiakhun kaban sdang haka 18 tarik U Risaw ha la iing, ka Meghalaya ka la dep ba kan mad ia ka nam rem da ka innings kaba long da 65 ron hakhmat ka kynhun ialehkai ka Services kaba la long ha New Delhi ha ki khyndiat sngi kiba la dep, katba ka Tripura ka la dei ba kan iakhun pyrshah ia ka Odisha ha Agartala, hynrei kane ka jingiakhun la hap ban pynsangeh noh.

Kyrteng ki rang ialehkai ka Meghalaya Aryan Borah, Akash Kumar Choudhary, Shembhalang Pyngrope, Bamanbha Shangpliang, Bijon Dey, Chengkam Sangma, Dippu Sangma (V-C), Jaskirat Singh Sachdeva, Kishan Lyngdoh (C), Ram Gurung, Roshan Warbah, Swarajeet Das, Ajay Duhan (BCCI approved guest professional player), Sumit Kumar (BCCI approved guest professional player), Anirudh B (BCCI approved guest professional player)

Standbys: Adarsh Joshi, Anish Charak, Lerry G Sangma, Yogesh Tiwari

Support staff: Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer), Dister Marbaniang (Manager)