Rakhe World Environment Day ka NSS Unit Jaintia Eastern College
Ka NSS Unit jong ka Jaintia Eastern college, Khliehriat, haka sngi Nyngkong ka la rakhe ia ka sngi ba kyrpang na ka bynta ban pynneh pynsah ia ka mariang (World Environment Day). Ha kane ka sngi ka NSS unit ka la pynlong ia ka jingiakop dro jingdro (Drawing and Painting Competition) halor ka phang pdeng “Beat Plastic Pollution” bad ka jingthung dieng nalor ka jingbam smai (Pledge) ban iada ia ka mariang.
La ioh ia ka jingkren kyrpang halor ka phang pdeng jong kane ka sngi bakyrpang na u Assistant Professor Banpynskhembha Papang, Vice-Principal jong ka kolej, Assistant Professor Kong Hannah Bell Lapasam, Senior Programme Officer, NSS Unit kaba la pyniaid ia ka jingialang.
La iadonlang ruh u Assistant Professor Jamphrang Lyngdoh, u Assistant Professor Samdy Myrchiang Additional Programme Officers jong ka NSS Unit nalor kiwei kiwei.
Ha kane ka sngi la don ka jingiakop dro dur bad ka prokram thung dieng bad pule bamsmai hapoh ka jingialam jong ka Kong Hannah Bell Lapasam pynbud sa ka jingthung dieng hapoh ka phyllaw jong ka kolej. Ha kane ka prokram, la wan ia shim bynta shitrhem da ki 82 ngut ki volunteers, Principal, vice principal bad ki programme officers jong ka NSS Unit
La sam ia ki certificate sha ki nongjop bad sha ki nongiashim bynta ha kane ka prokram.
Facebook
Instagram
Youtube
Twitter
Leave a Reply