Rakhe ka Seinraij Raliang iaka WED

Syllad | The Rising MeghalayaJune 6, 2023

Ban snohktilang bad ki ri ka pyrthei satlak ha kaban rakhe iaka World Environment Day, ka Seiñraij Raliang kala pynlong iaka prorkam thung dieng ha madan kyndeh ke Chrah-Umphula Seiñraij Raliang, Mowtyllieñ Park bad kiwei kiwei ki jaka jong ka raij

Ha kane ka jingthung dieng laiadonlang u president Seinraij Raliang, u ma Binroy Dkhar, u ma Hamjhan H Dkhar general secretary Seinraij Raliang bad kiwei kiwei.

Kine ki rangbah ka Seinraij Raliang kila pynkynmaw ba mynshuwa ka talwiar sawdong ka shnong ki don ki umpohliew hynrei mynta baroh kine kila duh lut namar ba syllen ki khlaw ki btap.

Kumta kum ka pateng kaba mynta kila ban ban tyngkai iaka jingbuh jingsat ka mariang bad ban pynneh iaki khlaw ki btab ban iada na ka jingshit ka suin bneng ne ka jingkylla ka mariang. U barim ula iohi jngai bad u iada iaki khlaw ki btap da kaba pynkylla sha ka law kyntang bad ka dei ka pali jong kane ka pateng ban iada iaki khlaw na ka bynta ka lawei.