Rakhe Hepatitis Week ka Woodland WK Hospital Jowai; khot wer iaki paidbah sha ka jingiasyllok

Syllad | The Rising MeghalayaJuly 29, 2024

Ka Woodland WK Hospital Jowai ka la rakhe ia ka ‘Hepatitis Week’ kaba la sdang naduh ka 22 tarik bad ka ban kut ha ka 31 tarik Naitung 2024.

Kumta na ka liang ka hospital ka khot na ka bynta ka jingleh ia ki test halor une u khniang jingpang da kaba pynduna kyrpang haduh 15% naka jingsiew.

Nalor, kata kan don ka jingiakren bad iamir jingmut halor ka koit ka khiah kaba khlem da donkam jingsiew lyngba u Dr. D Nongtdu Medical Consultant ka Woodland WK Hospital, Jowai ha kaba iadei bad ka jingsumar ia kane ka jingpang Hepatitis.

Ka thong jong ka hospital ban pynlong ia kane ka jingsumar kalong ban shngain bad lait na ka jingpang Hepatitis.