Rakhe Breastfeeding Week ka Loomkyrwiang UPHC

Syllad | The Rising MeghalayaAugust 28, 2024

Ka Loomkyrwiang Urban Primary Health Centre (UPHC), Jowai kala rakhe iaka taïew aibuiñ jong ka kmie iaki khun ne Breastfeeding Week 2024 ban pynsngewthuh iaka jingmyntoi ka rukom aibuiñ ban heh ban san ki khyllung bad ban iada iaki khyllung naka jingpang.

Ha kane ka jingrakhe ia kane ka taiew lehkmen Breastfeeding kaba long haka 27 tarik Nailar, ka Loomkyrwiang UPHC kala pynlong da ka Healthy Baby Show ha kaba la don 47 ngut ki kmie ki kpa kiba la wan ialam iaki khun sha kane ka jingiakop.

U Dr. Wamehi Suna, Medical Officer In-Charge, LUPHC, ka Mandy Tariang, Staff Nurse, Syiemki Pakyntein ryngkat ki ASHA kila batai iaki kmie ki kpa shaphang ka jingkordor ka jingai buiñ kmie bad la jurip iaka jinglong jingman jongki khunlung bad thew ruh iaka jingkhia jong ki.

Ia kane ka Baby Show la phiah haki ar bynta kawei kadei iaki khunlung kiba dangkha haduh 6 bnai shapoh bad kawei pat ia kiba la dap 6 bnai shaneng haduh shisnem rta.

Katkum ka jingbishar iaka jinglong jingman jong ki khunlung ba la iashim bynta napdeng kiba don hapoh 6 bnai iaka nam kaba nyngkong la ioh da u Yaltis Tang, ba ar da u Dicky Thmu Lamat bad ba lai da u Dahun I Lathong.

Napdeng ki khunlung kiba don 6 bnai shaneng haduh shisnem rta iaka nam ba nyngkong la ioh da u Freddie Javyn Patlong, ba ar da ka Johannah E Lamin Suting bad ba lai da u Eugeneson Lyngdoh.