Rai pynrem ka iingkashari ia arngut ki runar ba leh beijot ia ki khynnah rit

Syllad | The Rising MeghalayaMarch 27, 2025

Ka iingkashari Special Judge (POCSO) ka East Khasi Hills ka la rai pynrem ia ki arngut ki runar namar ka jingdonkti ha kaba leh beijot ia ki khynnah kynthei.

Ha ka jingshim bishar kaba la long ha ka 18 tarik Lber, Special Judge (POCSO) Shillong, ka Swapna G Momin ka la rai pynrem ia u Maitshaphrang Kharmawlong, ia uba la lap ba u donkti ha kane ka kam bymman bad pynbna ia ka rai pynrem da kaba set phatok 12 snem kynthih hapoh ki kyndon jong ka POCSO Act nalor ka kuna kaba long T.10,000 ia kaba lada um lah ban siew un hap ban shong tam ha phatok na ka bynta ar bnai.

Nalor kata une u runar u la shah rai pynrem ruh hapoh ka kyndon 506 IPC da kaba set phatok 3 snem kynthoh ha ryngkat ka kuna kaba T.5000/- bad ban shong tam sa shi bnai lada um lah ban siew ia kane ka kuna.

Shah rai set phatok u rangbah ba 60 snem ka rta

Ia kane ka case la register hapoh Rynjah Police Station bad la tohkit da u Bah Raymond Kurkalang uba bat mynta kum u Officer Incharge ka Mawngap Police Station.

Ha kawei pat ka jingjia, ka Iingkashari ha katei ka juh ka sngi ka la rai pynrem ia u Demonstar Kharbani hapoh ki kyndon jong ka POCSO Act da kaba set phatok 3 snem kynthih ha ryngkat ka kuna kaba T.3000/- bad ban shong tam shi bnai lada um lah ban siew.

Ia kane ka case ba la register hapoh Rynjah Police Station la tohkit da ka Women Police Inspector ka Lily D Sangma kaba bat mynta kum ka 2nd O/C ka Sadar Police Station.