Rai ka UDA ban jied Chairman JHADC ïa u ma Finelynes Bareh

Syllad | The Rising MeghalayaSeptember 8, 2019

JOWAI: Ka United Democratic Alliance (UDA) kaba ïatreilang ka seng National People’s Party (NPP) bad ka United Democratic Party (UDP) ha Jaiñtia Hills Autonomous District Council (JHADC) kala rai ban thung Chairman thymmai da u ma Finelyness Bareh MDC jong ka Rymbai Khliehriat Constituency.

U Ma Thombor Shiwat u nongïalam ka UDA uba long ruh u Chief Executive Member (CEM) jong ka JHADC, ula ong ba ka UDA haka jingïalang haka sngi U Blei kala rai ban wanrah beit ïaka resolution ban pynhap ïa u Lakhon Biam na ka shuki Chairman uba la kyntiap seng bad pynsiasoh sha ka Bharatiya Janata Party (BJP) ha ryngkat bad 3 ngut kiwei pat ki MDC UDP.

Ka UDA da kawei ka sur kala dep rai ban jied Chairman ba thymmai ka konsil da u ma Finelynes Bareh uba bat iaka kam EM ba dei khmih iaka tnad Political ka JHADC uba la kloi ban ïehnoh ïaka kam EM bad ban shimti ïa ka kam Chairman JHADC.