Rai ka Sorkar ban pyntreikam da ka ‘Marking System’ ha ka MBOSE: Rakkam

Syllad | The Rising MeghalayaJune 6, 2024

U Myntri ka Tnat pule puthi ka u Rakkam A Sangma ha ka 6 tarik Jylliew u la pyntip ba ka sorkar Jylla ka la shim ia ka rai ban pyntreikam noh da ka ‘Step Marking System’ ha ka Meghalaya Board of School Education (MBOSE).

Haba kren sha ki lad pathai khubor, u Sangma u la ong, “Ngi don ia ka jingthmu ban pyntreikam noh da ka step marking system hapoh ka MBOSE. “Ngin sa bishar bniah ia kane bad ngin sa shim ia ka rai la kane ka rukom treikam ka biang ne em hangne ha Meghalaya,” u la ong.

Haba kylli, u Rakkam u la ong ba ka CBSE bad ka ICSE ki la pyntreikam da ka ‘Grading’ bad ‘Marking System’ ha kaba iadei bad ka rukom ai marks ha ki eksamin.

“Katkum kaei kaba la jia ka dei ka jingkylli halor ka 5 marks ha ka sobjek Mathematics, ha kaba ki don ki rukom khein ne ki formula ha kaba hadien ba la pyndep ia baroh ki formula kaba dei biang hynrei ka jubab ka dei kaba bakla, katkum ka CBSE bad ICSE pattern, ki khynnah kin dang ioh  4 lane 3 mark na kane ka jingkylli, hynrei kumba ka long ha ngi mynta shisien bala lait, ka mut beit bym ioh ei ei lane nod” ula ong.