Rai ka sorkar ban iakren iaka Reservation Policy

Syllad | The Rising MeghalayaMay 30, 2023

Ka Sorkar Jylla ka la pynbna ba ka la thaw thymmai ïa ka Committee na ka bynta ban ïakren halor ka Roster System bad ka Reservation Policy.

Ka jingpynbna ba la pynmih ka wan na ka sorkar lyngba u Chief Secretary.

Ïa kane ka Committee yn bteng ban khlieh biang da ka Myntri Sorkar ba dei khmiih iaka Law ka Kong Ampareen Lyngdoh kum ka Chairperson.

Ki dkhot jong kane ka Committee ki long u Zenith M. Sangma-AITC, u HM Shangpliang-BJP, u Augustine Marak-GNC, u KP Pangniang-HSPDP, u Ronnie V Lyngdoh-Congress, u Pyndapborthiaw Saibon-KHNAM, u Dr. W Kharlukhi-NPP, u Renkton Lyngdoh Tongkhar,-UDP, u Ardent M. Basaiawmoit- VPP.

Nalor kata, u Chief Secretary, Goverment of Meghalaya bad Commissioner & Secretary/ Secretary. Personnel & A.R. (B) Department ruh kin long ki dkhot kane ka committee.

Ka kti treikam kane ka committee thymmai ka kalong ban iakre na ka bynta pyntreikam iaka Roster bad ka Reservation Policy bad kan submit iaka jingai jingmut shaka sorkar hapoh shibnai.

Ban pynthikna ba kane ka committee kan long kaba khuid haka jingmihkhmat jong baroh ki seng sain pyrthei ka ailad ban bad mihkhmat sa ar ngut ki 2 dkhot ban iashimbynta ha kane ka jingiakren. Ka committee ka lah ruh ban thung dkhot ha kane ka jingiakren lada ka sngewdonkam.

Kane ka committee kaba thymmai kan shong jingialang haka sngi Balang haka por 2:30 Main Conference Hall, Main Secretariat Building, Shillong.