Rah tarik ka ïingbishar ban bishar ïaka jingthung Chairman ha JHADC

Syllad | The Rising MeghalayaSeptember 17, 2019

JOWAI: Ka jingshong bishar jong ka Meghalaya High Court halor ka mukotduma thung Chairman ha Jaiñtia Hills Autonomous District Council (JHADC) la hap ban rah tarik biang ban shong bishar ïa kane ka kam hadien ka jingpan por u muktiar u nongshah mudui.

Ïa kane ka jingshong bishar la rah sha ka 24 tarik une u bnai Nailur.

Ïa kane ka mukotduma Writ Petition (Civil) 383/2019 la ujor da u MDC ka Liang Pyrshah ka JHADC u Ma Awhai Andrew Shullai pyrshah iaka Sorkar Jylla halor ka kynnoh thung  Chairman kyrkieh hadien bala iehnoh kam u ma Lakhon Biam kum u Chairman.

U Ma Andrew ula ujor ïa kane ka mukotduma hadien ba u Deputy Chairman ula pyniaid shakhmat iaka elekshon ban jied ïa u Chairman ba thymmai ka konsil.