Rah nam lahduh ki khynnah ïalehkai ka Sohryngkham haka U-14 ka SSA

Syllad | The Rising MeghalayaMarch 14, 2020

Ki khynnah ïalehkai jong ka Sohryngkham Sports Club kila ïoh ban rah ia ka nam lahduh ka lympung ialehkai U-14 kaba pynïaid ka Shillong Sports Association (SSA) hadien ba kila lah ban pynliem da 1-0 kol ïaki khynnah ïalehkai ka Langsning FC haka jingiakhun final kaba long madan Second ground Polo haka sngi Saitjaiñ

U Mekyrshan Kharpran ula kylla long u nam tam hadien ba ula thep ïa kane ka kol jong ka Sohryngkham ha ka jingiakhun kaba la rah sha ka extra time ha ka 70+18 minit. Kaba la biang pura ïaka Sohryngkham ban rah iaka nam lahduh.

Ha ka jingkhun haka por, kine ki arliang mamla ki kynhun kim shym la lah satia ban pynkhih ïaka jar. Hadien bala rah iaka jingiakhun sha ka extra time kaba mar 10 minit, u Mekyrshan u la ioh kaba kabu ksiar kaba paka ban shut ia ka bol ban pynkhih ia ka jar ka Langsning FC.

Da kane ka jingjop ka Sohryngkham kala ïoh rah ka song pisa kaba long T.20 hajar ryngkat ki medal, ka trophy bad certificate katba na ka liang ka Langsning FC ka la ioh ia ka song pisa T.10 hajar,ki medal bad ka trophy.

Ha kane ka sngi la ïadonlang ki vice president ka SSA bah D. Marbaniang bad u bah Robert Dkhar ba dei artad Chairman Tournament Committee, ki dkhot nongkitkam ka SSA bad ki paidbah kiba la wan ban sakhi bad ai mynsiem ïa kine ki ar kynhun.