Rah ka Wapung HSS iaka Overall Champion haka Inter School Athletic Meet ha East Jaintia Hills

Syllad | The Rising MeghalayaMay 2, 2025

Ka Wapung Higher Secondary School kala iohrah iaka nam Overall Champion haka District Level Inter School Athletic Meet 2025 hadien bala khur 25 tylli ki takma kynthup 9 tylli ki takma ksiar, 7 tylli ki takma rupa bad 9 tylli ki takma rnong. Kane ka lympung kaba lai sngi kala poi noh sha kaba kut haka 2 tarik Jymmang ha madan Teilang Playground, Dkhiah West.

La pyniaid da ka District Sports Officer, (DSO), East Jaintia Hills ha ryngkat ka jingiatreilang ka East Jaintia Hills District Football Association.

Haka Group Wise Champion haka Under 14 la ioh rah da ka Sham Sham Secondary School nakaliang ki shynrang bad Senraij Branch Upper Primary School, Mukhaialong nakaliang ki kynthei.

Haka Under-16 la rah da ka Wapung Higher Secondary School na kaliang ki shynrang bad ka Sham Sham Secondary School na kaliang ki kynthei.

Haka Under-18 la ioh rah da ka Seinjait Tuber Higher Secondary School na kaliang ki shynrang bad San Shnong Secondary School na kaliang ki kynthei

U Kampher Dkhar jong ka Sham Sham Secondary School ula ioh khur iaka nam Best Athlete, katba ka Useful Kyndait jong ka Seinraj Branch Upper Primary School, Mukhaialong kala ioh iaka nam Best Female Athlete jong ka kynrdan Under-14.

Ha ka kyrdan Under-16, u Highbornson Muksor na Khliehriat Presbyterian Secondary School Best Male Athlete bad ka Naphishwa Dkhar na Seinjait Tuber Higher Secondary School kala ioh iaka nam Best Female Athlete.

Haka kyrdan Under-18, u Ribait Bang ula ioh iaka nam Best Athlete katba haka liang ki kynthei la ioh da ka Budka Bang baroh ar kidei na Seinjait Tuber Higher Secondary School.

Ki nongjop ha ki jingïalehkai bapher bapher kin mihkhmat ïa ka East Jaiñtia Hills District ha ka State Level Inter School Athletics Meet.

Ia ki khusnam la sam da u Deputy Commissioner East Jaintia Hills u Shivansh Awasthi kum u kongsan ha ryngkat u Superintendent of Police ka District u Giri Prasad, ka District Sports Officer, East Jaintia Hills District ka Kong Stephanie M Rapsang bad kiwei kiwei.