Rah ka Rymbai Shkenshynriah iaka ksiar & song pisa haka football ka WSSWO

Syllad | The Rising MeghalayaNovember 30, 2024

Ka Rymbai Shkenshynriah kala jop da 2-0 pyrshah iaka Kynsai Stream Fensing FT haka jingiakhun final ka Wapungskur Sports and Social Welfare Organisation (WSSWO) kaba long ha madan Wapungskur haka 29 tarik Naiwieng.

Ia kine ki ar kol, ka Rymbai Shkenshynriah kala thep shikol haka kylla step bad kawei pat haka kylla miet, kaba la pynlong iaka ban rah syndon iaka nam lahduh haka sien kaba ar.

Da kane ka namjop ka Rymbai Shkenshynriah kala rah iaka song pisa T.5 lak bad ka ksiar shiteng tola.

Katba ka Kynsai Stream Fensing FT kum ka lahduh ba ar kala rah T.3 lak

U kongsan uba wan sakhia ia kane ka final dei u Deputy Chief Minister Bah Sniawbhalang Dhar, u Ma Phasmon Dkhar EM JHADC kum u symbud kongsan, u DC bad SP ka district nalor kiwei kiwei.