Rah ka North Liberty HSS ia ka phutbol rakhe dap 25 snem ka Christ Church Morning School

Syllad | The Rising MeghalayaSeptember 2, 2022

Ka kynhun ïa kynjat bol jong ka North Liberty Higher Secondary School, Jowai ka la ïohrah ïa ka nam lahduh haka phutbol rakhe dap 25 snem ka Christ Church Morning School, Mawlai Syllaikariah hadien ba ka la pynliem ïa ka OM Roy Higher Secondary School, Mawlai da ka tie breaker 5-3 ha ka final kaba long ha madanheh mini stadium, Phudmuri ha ka sngi Palei.

Ka Christ Church Morning School kum shibynta ban rakhe iaka jubili rupa kala pynlong ia kane ka tournament kaba la tip kum ka Mawlai Inter School Football Tournament kaba la iashimbynta da ki skul kiba don hapoh Mawlai. Ka North Liberty HSS, Jowai ka dei kawei na ki kynhun kaba shah khot sngewbha sha kane ka jingrakhe.

Ka khusnam Best Goalkeeper kala leit sha u Proficiency  Ksih bad ka nam Best Player sha u Kevin Rymbai

U kongsan ban wan sakhi ia kane ka final u dei u MDC Mawlai Constituency Bah T Pathaw ha ka jingiadonlang ki bor pyniaid ka skul nalor ki khynnah skul.