Rah ka Nativity HSS iaka nam lahduh haka Inter School Athletic Meet u DSO Mawkyrwat

Syllad | The Rising MeghalayaMay 5, 2023

Ka lympung ialehkai sports ba lai sngi ba la tip ia ka kum ka Chief Minister District Level Inter School Athletic Meet 2023 bala pyniaid daka ophis jong u District Sports Officer, South West Khasi Hills District kaba la pynlong ha madan Saitsnad Mawlangwir kaba la poi noh sha kaba kut haka sngi Thohdieng.

Ia ka nam lahduh ia iohrah da ka Nativity Higher Secondary School Mawkyrwat, hadien ba ki nongialehkai na kane ka skul ki la lah ban paw bad tynshain bha ialade ha baroh ki lai sngi jong kane ka jingiakob.

Haba phai pat sha kiwei pat ki khusnam ba la sam ha kane ka nsgi kaba  kut, ka Nam Best Team  jong ki khynnah kynthei bad shynrang la rah ia ki da ka Nativity H.S School Mawkyrwat. Kiba wan ba-ar ne Runners Up ki long Maharam Govt Hr SS bad ka Jakrem Presbyterian Hr Sec Sch.

Ha ka liang kaMarch past ka skul ba la rah ia ka nam Best March Past dei ka Maharam Government Higher Secondary School.  Bad ka nam Best Discipline School la rah ia ka da ka Presbyterian Hr Sec Sch, Mawlangwir.

Ki khusnam nongialehkai ba kynsai jong kane ka lympung ne ka Best Athlete, ha ka U-14  ki khynnah shynrang, ka nam nongialehkai ba kynsai ka leit sha u Damewanshwa Marngar ka Maharam Govt Hr Sec School, bad na ka liang ki khynnah kynthei ia kane ka nam la rah ia ka da ka Ibandariakor Nongsiej ka Nativity Hr Sec Sch.

Ha ka U-16 pat na ka liang ki shynrang ka nam nongialehkai ba kynsai la rah ia ka da u Waiborlang Syiemlieh ka Rising Secondary School bad na ka liang ki khynnah kynthei la rah ia ka da  Latympang  Lyngdoh Marshillong ka Nativity Hr Sec School.

Ha ka U-18 ka nam nongialehkai ba kynsai napdewng ki khynnah shynrang ka leit sha u Batskhemlang Thongnirit ka Sngap Syiem College bad na ka liang ki kynthei ia kane ka nam la rah ia ka da ka Lavinia Lyngkhoi ka Maharam Govt. Hr Sec Sch.

Kongsan ba la wan ban sakhi lang ia kane ka sngi kut jong kane ka lympung dei ka Kong Y.Mawlong ADC South West Khasi Hills District ha ryngkat daka jing ia donlang ruh u Bah Damang Syngkon DSO South West Khasi Hills District bah D Mawlein DSP South west Khasi Hills District  bad kiwei kiwei ophisar sorkar ka SWKHD.