Rah ka Naphiwani Pyrbot iaka nam Miss Loompyrdi Iongpiah

Syllad | The Rising MeghalayaJanuary 4, 2022

Ka Naphiwani Pyrbot kala iohrah iaka nam Miss Loompyrdi Iongpiah, ka Boodkidaka Laloo bad ka Dalamphika Passah kila long kila lahduh ba ar bad ba lai.

Ia kane ka iakop thei bhabriew la pynlong haka 31 tarik Nohprah 2021 kum shibynta ban pdiang ia u snem thymmai bad ai khublei ia u snem barim. Kane ka iakop bhabriew ka dei ruh shibynta ka prokram annual youth week kaba la sdang naduh 23 tarik Nohprah 2021 haduh 1 tarik Kyllalyngkot 2022.

Ha kane ka youth week la pynlong shibun jait ki jingialehkai ban pynbyrngia naduh ki khynnah haduh ki rangbah kiba kynthup iaka jingialehkai futsal, datmoopoint, tan tylle, badminton, carrom board, draft.

Nalor kine jingiakop kala don ruh ka jingiakop shad bad rwai bad kiwei kiwei.

Haka iakop bhabriew ki longkmie kaba la tip kum ka Mrs Loompyrdi Iongpiah 2021 la ioh rah da ka Duwa Toi, ba ar Aununa Challam bad ba lai Synchar Pyrbot.

Haka iakop bhabriew ki khynnah la wan nyngkong da ka Eshalina Suwer, ba ar Sawarisa Passah bad ba lai Ewetsa Passah katba na ka liang ki shynrang la ïoh da u Ram Passah, ba ar Sahamewan Paswet bad ba lai Rapsien Kyndiah.