Rah ka DLM, Dkhiah East & ka Jowai iaka nam lahduh haka 3rd open basketball tournament ka EJHDBA
Ka East Jaintia Hills District Basketball Association (EJHDBA), Khliehriat ka la pynlong ia ka 3rd open Basketball Tournament 2021 kala poi sha bakut haka 12 tarik une u bnai bad ha kane ka lympung ka DLM, Dkhiah East bad ka Jowai kila ioh rah iaka nam lahduh.
Ia kane ka jingialehkai la pynlong ha Basketball Court jong ka Jaintia Eastern College, Khliehriat.
Haka jingiakhun final na kaliang shynrang la rah daka DLM, Dkhiah East pyrshah iaka Old Skool Baller da 34 la 32 basket. Na ki kynthei ka jingiakhun kala long hadpeng ka kynhun na Jowai bad ka Dkhiah East bad la jop daka Jowai team da 28 la 6 basket.
U kongsan ha kane ka sngi u dei u ma Thynda Sana working president Khliehriat Block Congress committee (KBCC), ula ai khublei ia ka association ba kala lah ban pynlong kum kane ka jingialehkai manla u snem bad u ia kyntu ruh iaki player baroh ban don ia kata ka mynsiem ialehkai bad ban treishitom bna kilan haka kam ialehkai ban jop haka jingim ialehkai.
La sam iaki khusnam da u kongsan bad symbud kongsan haka jingiadonlang ki kynthup ia u Chrispin N Dkhar president Khliehriat Assembly Youth Congress (KAYC), Deibormi Syad president EJHDBA, Delightful Lamare General Secretary ka EJHDBA nalor kiwei kiwei.
Facebook
Instagram
Youtube
Twitter
Leave a Reply