Pyrshah jur ka RDA ia ka nongrim ka Congress ban ithuh ia ka shongkha para kynthei, shynrang

Syllad | The Rising MeghalayaApril 9, 2024

U kyrtong ka kynhun Regional Democratic Alliance (RDA), u Bah Robertjune Kharjahrin, ula kyntu ia ki paidbah ba ki dei ban kyntait ia ka party Congress namar ka jingkular ba lada kan wan ha ka bor kan wanrah ia ka ain ka ban ai ka jingithuh halor ka jingkyntiew kurim hapdeng ki para kynthei bad ki para shynrang ne LGBTQIA.

Haba aijingkren ha ka jingialap ilekshon ha Iawmusiang, Jowai haka 8 tarik Iaiong, u Kharjahrin u la ong, “Ngim ia mynjur satia bad ki mat treikam jong ka Congress ban wanrah ia kaba kum kane ka ain ka ban ithuh ia ka kam shongkha para kynthei shynrang ne LGBTQIA lada kan wan ha ka bor synshar.

U la ong ruh ba kane ka mat treikam jong ka Seng Congres ka kdew shai ba kim burom satia ia ka jingsngew jong ki paidbah nongshong shnong kiba don ha la ki niam bapher bapher.

Kumta ruh u la ong ba ka jingai kaba tang shi vote sha ka Congress kan long ka jingkyrshan ia katei ka jingkut jingmut ka jong ka, kata ia kaba ha ngi hi ka dei kaba ngim lah satia ban pdiang da lei lei ruh.