Pyrkhing ïalap elekshon MDC sa ka Chutwakhu Local Dorbar

Syllad | The Rising MeghalayaFebruary 7, 2019

JOWAI: Hadien ka Dorbar Shnong Panaliar Jowai kala pyrkhing ïaka rukom ïalap elekshon naduh ka MLA 2018 hapoh ka shnong ryngkat ki kyndon ïaki kyrtong ba iakhun elekshon; bun tylli ki shnong kila sdang ban bud ïaka kane ka nuksa kaba lah ban dei ka nuksa kaba bha kaba iarap ban khate iaka jinglut jingsep u/ka kyrtong.

Ki shnong kiba la bud ïa kane ka nuksa ka Panaliar Dorbar Shnong, ban khang ïa u kyrtong ban ialam nongkyrshan kiba nabar haka por ialap elekshon MDC, ka dei ka Sohmynting Nongkhroh bad mynta sa ka Chutwakhu Social Welfare Local Dorbar ruh kala buh kyndon ïaki kyrtong kiba wan ialap elekshon ha kane ka kyntoit ne dong.

Ka Chutwakhu ka ailad ïa u kyrtong MDC ba wan ialap elekshon ban ialam tang 10 ngut ki nongkyrshan jong u bad yn ailad tang lai ngut ban kren haka jingïalang. Ka Chutwakhu kan khang pyrshah ïa ki nongkyrshan jong uno uno ne kano kano u/ka kyrtong kiba na bar ka shnong ban wan sha ka jingialang hapoh Chutwakhu bad iaka jingialang ialap paidbah dei ban pynkut hapoh 10 PM.

Featured Image Sources: Internet