Pyntip u CM ba shen yn sdang biang ka jingiakren pynbeit pud bad ka Assam

Syllad | The Rising MeghalayaNovember 28, 2024

U Myntri Rangbah ka Jylla u Conrad K Sangma ha ka 27 tarik Naiwieng u la ong ba ka jingpynlong ia ka jingiakren pynbeit pud ha ka kylla kaba ar bad ka Assam kan sa sdang biang shen.

Haba kren sha ki lad pathai khubor, u Conrad u la ong, “Ngi kyrmen ba ngin lah ban sdang biang shen ia ka jingiakren bad bad jingiakynduh, hynrei ngam lah ban batai sha phi ia ka por ia mynta tad haduh ban ioh iakren ia u CM ka Assam.”

U la ong ruh, “Ngi la iakren man ka por hynrei hapdeng kane ngi la don ia ka elekshon, ka elekshon shiteng samoi bad kiwei kiwei ki kam, kumta ka la pynshem jingeh namar kine kiei kiei ym namar kiwei pat ki daw.”

“Kumta mynta ngin sa ia peit, ngin sa iakren. Nga tharai kan dang don ka jingthaw sorkar hapoh Maharashtra, kumjuh ka elekshon ka dang shu dep shen ha Jharkhand, kumta ruh kine ki jingeh ki la mih bad kiba la pynslem ia ka jingiakren,” u la bynrap.