Pynthud u slap iaka jingialehkai District Cricket League ka WJHDCA hadien ba ialehkai bha ka Ummulong

Syllad | The Rising MeghalayaApril 16, 2025

Ka jingialehkai hapdeng ka Evergreen Mukhla Mission pyrshah iaka Ummulong CC haka District Cricket League kaba pyniaid da ka West Jaintia Hills District Cricket Association (WJHDCA) kaba la long ha madan ialehkai Khliehtyrshi la hap ban pynsangeh noh hadien ba u slap ula ther jur haka kylla kaba ar haka 16 tarik Iaiong.

Ka Ummulong Cricket Club ka la jop iaka toss kala jied ban ball, ha kaba ka la pynliem ïa ka Evergreen Mukhla Mission tang 71 run ha ki 25 over.

U Captain ka Ummulong Wellmanson Passah u la lam khmat ïa ka jingialehkai da kaba khyrwit 5 wicket (5/16), katba u Sylvester Mylliem Pdah (2/15) bad u Heimon Lyngdoh (1/12)

Katba ki batsmen ka Evergreen kiba la poi ar dak jingkhein ki kynthup ia u Derison Bang, u Kamkini Sari, bad u Daphrin Suna kiba la noh synniang mar mar 12 run.

Ka Ummulong haba beh iaka thong kala kamai 20/0 tang hapoh 1.2 over, ha kaba u Langki Lamare (9*) bad u Heimon Lyngdoh (7*) ki don ha madan ne crease. Hynrei la hap ban pynsangeh noh iaka jingialehkai na ka jingjur slap bad la iasam iaka point.