Pynsngewthuh paidbah ka DLSA halor ka hok ki khynnah rit ha Amlarem

Syllad | The Rising MeghalayaApril 14, 2024

Ka District Legal Services Authority, West Jaintia Hills District (under the Aegis of NALSA) ka la pynlong ia ka Campaign halor ka phang “Opening Doors for Education to Children/ Campaign for school Dropout” na ka NALSA (Child Friendly Legal Services to Children and their Protection) Scheme, 2015 bad halor ka hok ki khynnah naka bynta ka Free and Compulsory Education, Act 2009, ha ka 12 tarik Iaiong ha Amlarem, West Jaintia Hills District.

Ia ka ne ka program la pyniaid da ka Kong SL Phyllei, Chief Legal Aid Defense Counsel, West Jaintia Hills District ha kaba kala pynithuh ia ki nongiashim bynta bad plie phang shaphang kane Ka Campaign, ba kane ka program la pynlong khnang ban pynsngewthuh ia ki nong shong shnong khamtam ia ki khynnah skul ki ba la pep skul shiteng por bad ruh ban pynsngewthuh shaphang ki scheme ki jingiarap bapher bapher ba ki khynnah pule ki lah ban ioh.

U Ma LS Khonglah, Advocate ula kren halor ka phang ‘Rights of Children to Free and Compulsory Education Act, 2009’. Ha ka ba u la pynshai ba kane ka Act 2009 ka batai shai  ia ka jingdonkam jong ka free and compulsory education ka jingnang jingstad ka ba long laitluid bad kajuh naka bynta ki khynnah ki ba don hapdeng ka rta kaba 6 snem haduh 14 snem. Ka jingthmu jong ka ne ka Act ka long ban pynioh ia ka jingnang jingstad kaba paka naka bynta ki khynnah hapoh ka Ri India khlem da peit ia ka jingdon jingem, ka jinglong shynrang ne khynthei, caste or creed. Ka jingstad ka long laitluid ia baroh.

La ioh ruh ka jingkren halor ka phang “Poshan Scheme, SSA Scheme etc” na u Resource person u Ma HC Lamin, i/c SDSEO, Amlarem naka Education department, ha kaba u la batai shaphang ka Poshan scheme ba ka sorkar ka ai mynta ha baroh ki school sorkar ban pyntikna ba ki khynnah skul ki ioh ia ki nutrients ki batei.