Pynsngewthuh bad ka jurip jingpang bym ïabit

Syllad | The Rising MeghalayaFebruary 13, 2019

JOWAI: Ka tnad ka koit ka khiah jong ka West Jaiñtia Hills District kum shibynta ban rakhe ïaka jingdap san snem ka jingtreikam ka RKSK (Rashtriya Kishor Swasthya Karyakam) hapoh ka District West Jaiñtia Hills District; ka ophis DMHO kala pynlong ïaka Screening Camp ïaki khynnah bad kiba sdang khie samla naduh 10-19 snem ka rta ha kaba ïadei bad ka jingpang bym iabit (Non-Communicable Disease).

La  pynsngewthuh paidbah ïa kine ki jait bym iabit kum ka jingpang stroke, cancer, klongsnam, ka shitom ring pynhiar mynsiem bad kiwei kiwei.

Ïa kane ka screening camp la pynlong ha Kiang Nangbah Stadium, Ladthadlaboh haka sngi Balang. Ka phang pdeng ka dei “The Future is here, Act Now”.

Ka RKSK ka dei ka skhim naka bynta ki khynnah bad kiba sdang samla kaba la mang kyrpang ban hikai ba kin bam ïaki jingbam kiba tei ïaka met ka phad bad bad ka kha ka pun bad kiwei kiwei. Ïa kane ka skim RKSK ka Ministry of Health & Family Welfare kala sdang naduh u snem 2014.

Naduh u snem 2015 ka RKSK kala treikam ha Amlarem, Laskein and Thadlaskein C & RD Block ka don haduh haduh 644 Peer Educators, Counsellor bad Nodal Officer. 
Picture Courtesy: DIPR