Pynshai ki Pulit WJH halor ka khlam COVID-19 & sam marbam sha ki 30 tylli ki longïing ha Ummulong

Syllad | The Rising MeghalayaApril 4, 2020

Ka West Jaiñtia Hills District Executive Force (WJHDEF) hapoh ka jingialam u Dy. SP Headquarter Bah Mac Joel Marngar haka jingiadonlang u SI A Binan, Incharge Ummulong Beat House, Dr. Miss AL Rymbai Volunteer doctor jong ka WJH DEF bad kiwei kila pynlong iaka jingpynshai paidbah halor u khniang COVID-19 ha Ummulong Beat House mynta ka sngi Saitjaiñ.

Ha kane ka prorkam u Bah MJ Marngar bad u Dr. AL Rymbai kila pynshai halor u khniang Coronavirus bad ka kumno u ïabit kaba la wanrah ïaka jingkhang khyrdep ka Ri baroh kawei. La banjur ïaki nongshong shnong ba bud bad kohnguh ïaki jingbthah jong ka sorkar ban ialeh pyrshah ïa kane ka khlam.

Hadien bala dep ban pynshai ïaki lad jingiada ba kongsan na une u khlam COVID-19 ki pulit jong ka WJHDEF kila sam ïaki marbam sha ki 30 tylli ki longiing ba duk.