Pynrung dkhot ka Rotary Club Jowai

Syllad | The Rising MeghalayaJune 6, 2022

Ka Rotary Club Jowai haka sngi Saitjaiñ ka la pynlong ïaka jingïalang pynrung dkhot thymmai ne Induction Ceremony ha Infinity Conference Hall, Mooralong.

Ïaka jingïalang la pynïaid da u Montri Passah, MPHF President Rotary Club Jowai bad la ïoh ka jingkren pdiang burom na u Rtn. Samehi Laloo, RFMS President Elect katba u Rtn. R.Nongtdu, MPHF ula khana shaphang u Fencing Syrti uwei na ki dkhot ba pyniasoh bad ka Rotary Club Jowai.

U Rtn. S.K.Lato, MPHF haka jingkren maitphang ula ïathuh shaphang ka Rotary bad ka nongrim treikam jong ka. Ula ai mynsien ruh ïaki dkhot da kaba ong ka jingrung hapoh ka Rotary kum ki Rotarian long kiba aiti ban leh na bynta ka bha ka miat bad ka jingmyntoi jong ka imlang sahlang.

Ka Rtn. E.F.Gatphoh, MPHF Charter President kum ka kongsan ka la kyntu ïaki dkhot ban long kiba don ka akor ka burom namar ka Rotary ka dei ka seng kaba don ha shityllup ka pyrthei bad haba pynïasoh bad ka Rotary wat hun ban kut tang haka nam khlem trei ne leh ïa ïaka kamram katkum rukom dustur jong ka Rotary International.