Pynphai ka KSU Wapung ia ki nongbylla kiba thmu ban wan trei bylla sha ki kharkhana

Syllad | The Rising MeghalayaJune 18, 2021

Ka Khasi Students’ Union (KSU) Wapung Unit haka miet 17 tarik kala pynphai ia ki bar jylla kiba thmu ban wan bylla sha East Jaintia Hills ha ki kharkhana sain rnga dewiong.

Ka khubor kaba la pyllait da u publicity secretary KSU Wapung Uniut, u Shibaitlang Rymbai “Kine ki nongtrei bylla ki dei kiba wan na Assam kiba thmu ban leit trei sha ki kharkhana Coke kiba don ha East Jaintia Hills District.”

Ka KSU kala pynpaw iaka jinglyngngoh kumno kine ki bar jylla kila ioh ban rung sha ka jylla khlem ka jingleh iaka test COVID-19 nalor ba kim don iaki kot ki sla kiba biang ban pynthikna iaka jaka shong jaka sah jong ki bad kiwei ki kot ba dei ban ioh naka tnad Labour ka sorkar Jylla.

Ka KSU kala pynrem iaki nongtrei ha Entry Point ha Umling namar ka jinglait jong kine ki briew ban wan shaduh sha East Jaintia Hills khlem da pyndep iaka test COVID-19. Ka KSU kala dawa na ka sorkar ban pynjur iaka jingpyrkhing ban tem iaka jingrung klumar ki briew kiba na bar jylla sha kane ka Jylla.