Pynngat Micro Containment ha Dong Um Sahep Shangpung

Syllad | The Rising MeghalayaAugust 6, 2021

U District Magistrate, West Jaintia Hills District haka sngi Thohdieng ula pynngat Micro Containment iaka Dong Um -Sahep of Shangpung Mission hadien bala pur ka jingiabit jingpang khlam COVID-19.

Kane ka hukum kan treikam mardor khnang ba ka tnad ka koit ka khiah kan ioh ban pyndep iaka ki test iaki briew kiba lah ban shah ktah bad ban shong kyrpang bad ka active surveilance ban tem iaka jingpur ka khlam COVID-19.

Ka hukum kala khang pyrshah iaki ban rung sha ka containment bad kiba shong ba sah haka containment ruh kim bit ban mih shabar bad la bthah ban kin shong pynkyrpang ialade ha ki iing ki sem.

Ym shah ban pynlong ia kino kino ki jait jingialang bad kiwei kiwei ki jait kam, baroh ki dukan dukdoh bad ki ophis sorkar ne jong ki riew shimet ha katei ka containment ki dei ban khang.

Ki kali kiba iaid lyngba ka containment kim bit ban sangeh ha shiteng lynti haka jaka kaba la pynbna containment area.